उपवन मध्ये प्रफुल्लति लतिका तु, मधुपो न ताम् प्रजहाति रे; गुंजति परितो भ्रमति स हि भूयो, धैर्यम् न किमपि दधाति रे। हृदये किमस्य न जाने किमिच्छति,चक्षुषि किम् न चकास्ति रे; वारय री वनपालि तमेतम् त्वम्, कोऽपि न चपलम् प्रशास्ति रे। सुन्दर वर सुकुमारी वधू नव मिलनम् तु भूरि विभाति रे; विलसति युगलम् गृहे अति सुखयति हृदये च मोदम् ददाति रे। उपवन मध्ये प्रफुल्ल्ति लतिका तु मधुपो न ताम् प्रजहाति रे।